"საქართველოს კარიტასი" "გერმანიის კარიტასთან“ პარტნიორობით ახორციელებს პროექტს საქართველოში მყოფი უკრაინელი ლტოლვილების მხარდასაჭერად. ინიციატივის მიზანია მოწყვლადობის შემცირება დროებითი საცხოვრებლის, საარსებო მხარდაჭერისა (საკვები, ტანსაცმელი, ჰიგიენა, სამედიცინო მომსახურება) და სოციალური სერვისების უზრუნველყოფით. პროექტი მიმართულია მოწყვლად ლტოლვილებზე, განსაკუთრებით ხანდაზმულებსა და ბავშვიან ქალებზე, რომლებსაც სთავაზობს უსაფრთხო და ღირსეულ საცხოვრებელ გარემოს. ძირითადი საჭიროებების დაკმაყოფილების გარდა, ბენეფიციარები მიიღებენ ფსიქოლოგიურ მხარდაჭერას, ქართული ენის კურსებსა და გადამისამართებას სხვა შესაბამის სერვისებზე, რაც უზრუნველყოფს ყოვლისმომცველ დახმარებას მათი აქ ყოფნის პერიოდში. პროექტის ხანგრძლივობის განმავლობაში, ამით ისარგებლებს მინიმუმ 50 ადამიანი.
სერვისები:
- უსაფრთხო და სუფთა საცხოვრებელი
- საკვებისა და ჰიგიენის ვაუჩერები
- სამედიცინო დახმარება
- სოციალური მუშაკის მხარდაჭერა
- ქართული ენის კურსები
- ფსიქოლოგიური მხარდაჭერა
- პროფესიული გადამზადების შესაძლებლობები