პროექტის მიზანი: სოციალურად დაუცველი ბავშვების ოჯახების გაძლიერება, მათი ოჯახურ გარემოში აღზრდის ხელშეწყობა და ინსტიტუციებში განთავსების პრევენცია.
დღის ცენტრში, 6-18 წლამდე ასაკის ბავშვებს საშუალება აქვთ თავისუფალი დრო დაცულ და მეგობრულ გარემოში გაატარონ, ჩაერთონ სხვადასხვა გასართობ და საგანმანათლებლო აქტივობაში. დღის ცენტრში განსაკუთრებული ყურადღება ეთმობა ბავშვების განათლებას: პედაგოგები მათ სასკოლო დავალებების მომზადებაში ეხმარებიან, დამატებით უტარდებათ ინგლისური, რუსული და ქართული ენის, მათემატიკის და ფიზიკის გაკვეთილები.
ბავშვები ასევე დადიან ცეკვის, სიმღერის, თეატრალურ და ფეხბურთის წრეებზე, ეუფლებიან თმის სტილისტის ხელობას. ბავშვები ეუფლებიან კომპიუტერულ პროგრამებში მუშაობის უნარ-ჩვევეს კარიტასის „კომპიუტერული ტექნოლოგიების ცენტრში“. მიღებული უნარ-ჩვევები მომავალში შეუძლიათ შემოსავლის წყაროდ გამოიყენონ. 16-18 წლამდე მოზარდები სწავლობენ სამსახურის მოძიებისთვის საჭირო უნარებს: რეზიუმეს მომზადებას, ინტერვიუზე თავის წარდგენას, ასევე იღებენ ინფორმაციას, თუ სად შეიძლება იყოს განთავსებული ინფორმაცია ვაკანტური ადგილების შესახებ. ყველა ბავშვს აქვს შესაძლებლობა მიიღოს სამედიცინო და ფსიქოლოგიური დახმარება ჯანმრთელობის პრობლემების მოსაგვარებლად. გარდა პროფესიონალი ფსიქოლოგების დახმარებისა, ბავშვები ფსიქოლოგიურ რეაბილიტაციას გადიან ხელოვნებით თერაპიის მეშვეობით ხატვის და კერამიკის კლასში. საქართველოს ღირსშესანიშნაობების გასაცნობად, ბავშები დადიან ექსკურსიებზე და მუზეუმებში.
ცენტრში ყოფნისას ბავშვები უზრუნველყოფილნი არიან საუზმით ან/და სადილით, დასწრების საათების შესაბამისად. წელიწადში ოთხჯერ ბავშვებს ურიგდებათ სეზონური ტანსაცმელი/ფეხსაცმელი.
პარტნიორები: საქართველოს მთავრობა
მდებარეობა: საქართველო, თბილისი, 0192, თორნიკე ერისთავის ქ. 2დ
