პროექტის მიზანი: დაუცველი, 10 წლამდე ბავშვებისა და მათი მარტოხელა დედების უსაფრთხო გარემოთი უზრუნველყოფა; ბავშვების მიტოვების პრევენცია და ბიოლოგიური ოჯახების გაძლიერება.
დედათა და ბავშვთა ცენტრი ოფიციალურად 2017 წლის იანვრიდან ფუნქციონირებს და აქვს შესაძლებლობა, რომ ერთდროულად 15 ბენეფიციარს მოემსახუროს, თითოეულს ერთი წლის განმავლობაში. პროექტის ფარგლებში, ბავშვები სავალდებულო განათლებას იღებენ, ხოლო დედებს აქვთ საშუალება შეიძინონ პროფესიული უნარ-ჩვევები. ზრუნვის ცენტრის ბენეფიციარებთან აქტიურად მუშაობს სოციალური მუშაკი. ცენტრში ბავშვები და მათი დედები უზრუნველყოფილნი არიან:
- 24 საათიანი თავშესაფრით და დაცული გარემოთი
- ოთხჯერადი კვებით და ჰიგიენისთვის აუცილებელი ნივთებით
- ფსიქოლოგისა და სოციალური მუშაკის მომსახურებით
- პედიატრის მომსახურებით
- საჭიროების შემთხვევაში ამბოლატორიული და სტაციონალური მომსახურებით
- ფორმალური და პროფესიული განათლების მიწოდებით
- სამუშაო ადგილის ძებნაში დახმარებით
დედათა და ბავშვთა ცენტრის მომსახურების ერთ-ერთი მნიშნელოვანი კომპონენტია ორსული ქალბატონების დროებითი თავშესაფრით უზრუნველყოფა.
პარტნიორები: საქართველოს მთავრობა; “ახლო აღმოსავლეთის კეთილდღეობის ასოციაცია” (CNEWA)
