რა არის მოხალისეობა?
მოხალისეობა არის შესაძლებლობა, რომ ყველანაირი ანაზღაურების გარეშე, სხვების დასახმარებლად გამოიყენო შენი დრო და უნარ-ჩვევები. გასაჭირში მყოფი ადამიანებისთვის შენი დროის მცირედი ნაწილის დათმობასაც კი, შეუძლია მათი ცხოვრების გაუმჯობესება და ამავდროულად განავითარებ შენს უნარ-ჩვევებს, მიიღებ გამოცდილებას და ცოდნას. ჩვენ, ყველას გვაქვს განსხვავებული შესაძლებლობები და ტალანტი, მათი გამოყენება მნიშვნელოვანი და საჭიროა, რადგან ყოველთვის მოიძებნება ადამიანი, რომელიც შენს დახმარებას ელოდება.
რატომ უნდა გავხდე მოხალისე? მოხალისეობა გაძლევს შანს, რომ:
1. შეცვალო ადამიანის ცხოვრება;
2. უკეთესობისაკენ შეცვალო საზოგადოება;
3. მიიღო ახალი ცოდნა;
4. მიიღო გამოცდილება;
5. სხვადასხვა სფეროში განავითარო ახალი უნარ-ჩვევები;
6. დაამატო ახალი გამოცდილება შენს რეზიუმეს;
7. გაიცნო ადამიანები სხვადასხვა ქვეყნებიდან და კულტურიდან;
8. იგრძნო თვითკმაყოფილება, რომ ეხმარები გასაჭირში მყოფ ხალხს;
9. გამოიყენო შენი შესაძლებლობები იქ, სადაც ისინი ყველაზე საჭიროა;
10. რაღაც გასცე საზოგადოებისთვის და არა მხოლოდ მიიღო მისგან სარგებელი;
შედეგიანად გამოიყენო თავისუფალი დრო.
მოხალისეები გასცემენ:
1. დროს
2. ენერგიას
3. მოთმინებას
4. ენთუზიაზმს
5. ცოდნას და უნარ-ჩვევებს
6. გამოცდილებას
7. მეგობრობას
გაეცანით დამატებით ინფორმაციას “მოხალისეების სახელმძღვანელო“-ში ან ჩამოტვირთეთ სახელმძღვანელო აქედან.
მოხალისეების საქმიანობა საქართველოს კარიტასში
საქართველოს კარიტასის მოხალისეებს შესაძლებლობა აქვთ დაეხმარონ სხვადასხვა გაჭირვებულ ადამიანებს. კარიტასის პროგრამები ეხმარება: ქუჩაში მცხოვრებ და მომუშავე ბავშვებს, ობლებს, ლტოლვილებს, უსახლკაროებს, მარტოხელა მოხუცებს, საწოლს მიჯაჭვულ ადამიანებს, სოციალურად დაუცველ პირებს, სტიქიური მოვლენებისა და შეიარაღებული კონფლიქტების შედეგად დაზარალებული ადამიანებს და სხვა. კვირაში რამოდენიმე საათის მოხალისეობრივ სამუშაოს, შეუძლია შეცვალოს ადამიანის ცხოვრება.
მოხალისეების აქციები
მოხალისეებს შეუძლიათ საქართველოს კარიტასის პროგრამებში და ადმინისტრაციულ საქმიანობაში ჩართვა. თუმცა მოხალისეები ასევე ახორციელებენ საკუთარ აქციებს, როგორებიცაა:
- წვნიანი უსახლკაროებისთვის - წვნიანი უსახლკაროთათვის არის მოხალისეთა აქცია, რომლის ფარგლებში ქუჩაში მცხოვრები ადამიანები კვირაში ორჯერ იღებენ ცხელ საკვებს.
- ტანსაცმლის დარიგების პუნქტი - ტანსაცმლის დარიგების პუნქტის მეშვეობით, სოციალურად დაუცველი პირები კვირაში ორჯერ იღებენ ტანსაცმელს
- მზიანი ოთახი - მზიან ოთახში მოხალისეები ყოველ კვირას ხვდებიან სოციალურად დაუცველ ბავშვებს, ასწავლიან მათ და ახორციელებენ სხვადასხვა შემეცნებით-გასართობ ღონისძიებებს. თითოეულ შეხვედრას აქვს თავისი თემა. შეხვედრები ეხმარება ბავშვებს შესაძლებლობების განვითარებაში და გარემოს შეცვლაში.
- საზაფხულო ბანაკები - ყოველ ზაფხულს მოხალისეები მართავენ ბანაკებს სოციალურად დაუცველი ბავშვებისთვის საქართველოს სხვადასხვა რეგიონებში. ბანაკებს აქვთ შემეცნებით-საგანმანათლებლო ხასიათი და დატვირთულია სხვადასხვა ღონისძიებებით.ასევე მოხალისეები ორგანიზებას უწევენ სამუშაო ბანაკებს, რომელთა მიზანია საჯარო დაწესებულებების (ბაღების) გარემონტება
| საქართველოს კარიტასის მოხალისეთა მართვის სახელმძღვანელოს დანართი |  |
| მოხალისეს სახელმძღვანელო | |