პროექტის მიზანი:
საქართველოს კარიტასის ბავშვთა ზრუნვის პროექტების ბენეფიციართა მშობლების მხარდაჭერა და გაძლიერება, რათა მათ შეძლონ საკუთარი შვილების სათანადო მოვლა. კარიტასის დღის ცენტრის ბენეფიციართა ოჯახებში არსებული პრობლემების იდენტიფიცირების მიზნით, სოციალური მუშაკი სტუმრობს ოჯახებს და აფასებს სიტუაციას. საჭიროებების შეფასების შედეგების საფუძველზე, ოჯახები გადამისამართდებიან საქართველოს კარიტასის პროგრამებში ან სხვა შესაბამის დაწესებულებებში.
მშობლებს უტარდებათ პროფესიონალი ფსიქოლოგის ინდივიდუალური კონსულტაციები მათი ფსიქო-ემოციური პრობლემების გადასაჭრელად. ფსიქოლოგი მშობლებს აწვდის ინფორმაციას პოზიტიური მშობლობის და რთული ქცევის მართვის, პრობლემური სიტუაციების არაკონფლიქტური გზით გადაჭრისა და განვითარების სხვადასხვა ეტაპზე ბავშვთა ასაკობრივი სპეციფიკის შესახებ.
ბავშვებსა და მშობლებს შორის ურთიერთობის გაუმჯობესების და მშობელთა ჩართულობის გაზრდის ხელშეწყობის მიზნით, ეწყობა ერთობლივი საგანმანათლებლო კლასები, ექსკურსიები და თემატური ფილმების ჩვენება შემდგომი განხილვებით.
ოჯახის ეკონომიკური მდგრადობის უზრუნველყოფისა და ადგილობრივ შრომის ბაზარზე დასაქმების შესაძლებლობის გაზრდის მიზნით, მშობლებს აქვთ საშუალება მიიღონ პროფესიული უნარები 5-თვიანი საგანმანათლებლო კურსების მეშვეობით კულინარიაში, კერვაში, ფრჩხილის კოსმეტიკასა და კერამიკის სახელოსნოებში.
პარტნიორები: კარიტას უდინე, იტალია
დებარეობა: ირაკლი აბაშიძის ქუჩა 33, ქუთაისი, საქართველო