შინმოვლა

პროექტის მიზანი: ჯანმრთელობის პრობლემის მქონე ადამიანების ცხოვრების ხარისხის, ფსიქოლოგიური და ფიზიკური მდგომარეობის გაუმჯობესება; პაციენტების დამოუკიდებლად ცხოვრების შესაძლებლობის აღდგენა.

შინმოვლის პროექტი ითვალისწინებს სოციალურად დაუცველ, ჯანმრთელობის პრობლემების მქონე ადამიანების სამედიცინო და სოციალური სერვისების სსახლში მიწოდებას. შინმოვლის არსია ლოგინსმიჯაჭვული პაციენტებისა და მათი ახლობლების უზრუნველყოფა სამედიცინო და ფსიქოლოგიური მომსახურებით. აღნიშნული მომსახურება სოლიდარობის დიდი ნიშანია სათანადო მზრუნველობის გარეშე ყველასგან მიტოვებული ავადმყოფებისა და შეზღუდული შესაძლებლობის მქონე პირების მიმართ.

პარტნიორები: ორგანიზაცია „Renovabis“, გერმანია;  ქუთაისის, ბათუმისა და ოზურგეთის მუნიციპალიტეტების მერია 

განხორციელების ადგილი: ქუთაისი, ოზურგეთი და ბათუმი

პირველადი დახმარების სამედიცინო ცენტრი

პროექტის მიზანი: ქუთაისის მოწყვლადი ფენებისთვის ჯანმრთელობის მდგომარეობის გაუმჯობესებაში წვლილის შეტანა. პირველადი სამედიცინო დახმარების აღმოჩენა; ბენეფიციარების საჭიროებებისა და უფლებების შესახებ ადგილობრივი ხელისუფლების ცნობიერების გაზრდა.

პირველადი სამედიცინო მომსახურების ცენტრი ქუთაისში 1995 წლიდან ფუნქციონირებს. პროექტი ქალაქის დაუცველ მოსახლეობას უზრუნველჰყოფს თერაპევტისა და ოკულისტის მომსახურებით, მათთვის პირველადი საჭიროების მედიკამენტებით და სათვალეებით.

პარტნიორები: “Associazione Bertoni Cooperazione e Sviluppo”, იტალია; ასოციაცია “Daquiala”, იტალია; USCCB, აშშ.

ადგილმდებარეობა: ნიუპორტის ქუჩა 10, ქუთაისი

ჰუმანიტარული სასადილო ქუთაისში

პროექტის მიზანი: მოწყვლადი ადამიანების ნოყიერი კვებით უზრუნველყოფა მათი დღიური რაციონის გაუმჯობესების მიზნით.

უფასო სასადილო ფუნქციონირებს საკვებისა და ფულადი სახსრების შემოწირულობის ხარჯზე. პროექტის მიზანია, ქალაქის გაჭირვებულ მოსახლეობას დღიურად მიაწოდოს სადილი. სასადილო ბენეფიციარებს ემსახურება როგორც ადგილზე, ასევე მათ ნაწილს,  რომელთაც აქვთ გადაადგილების პრობლემა, ცხელი კერძები მიეწოდებათ ბინაზე.

პარტნიორები: CNEWA  აშშ;  ქუთაისის მუნიციპალიტეტის მერია 

ადგილმდებარეობა: ირაკლი აბაშიძის ქუჩა 33, ქუთაისი