საქართველოს კარიტასის ქუთაისის მოხალისეთა სივრცეში ჩატარდა რობოტიკისა და ინჟინერიის საბაზისო კურსის შემაჯამებელი შეხვედრა. კურსის მონაწილეებმა ორი თვის განმავლობაში მიღებული ცოდნა და გამოცდილება საკუთარი საინჟინრო პროექტების სახით წარადგინეს.
რობოტიკისა და ინჟინერიის საბაზისო კურსი განხორციელდა ActOn Academy-ის ინიციატივით, საქართველოს კარიტასის თემის და მოხალისეობის განვითარების პროგრამასთან თანამშრომლობით.
მადლობას ვუხდით ActOn Academy-ს თანამშრომლობისთვის. მონაწილეებს კი ვულოცავთ სასწავლო კურსის წარმატებით დასრულებას!
