საქველმოქმედო ფონდმა „საქართველოს კარიტასი“ მონაწილეობა მიიღო ბათუმში გამართულ ევროპის დღის ღონისძიებაში. ორგანიზაციამ დამთვალიერებლებს გააცნო თავისი საქმიანობა, მიმდინარე პროგრამები და სერვისები, რომლებიც მოწყვლადი ჯგუფების მხარდაჭერასა და ჯანდაცვის ხელმისაწვდომობის გაძლიერებას ისახავს მიზნად.
„საქართველოს კარიტასის“ პავილიონთან განსაკუთრებული ინტერესი პირველადი სამედიცინო დახმარების სასწავლო მულაჟმა გამოიწვია. ინტერაქტიული აქტივობის ფარგლებში ვიზიტორებს ჰქონდათ შესაძლებლობა პრაქტიკულად გაცნობოდნენ პირველადი დახმარების აღმოჩენის ძირითად მეთოდებს. აქტივობაში მონაწილეობდნენ როგორც ბავშვები, ისე უფროსები, რის შედეგადაც „საქართველოს კარიტასის“ პავილიონი ღონისძიების ერთ-ერთ ყველაზე ხალხმრავალ და აქტიურ სივრცედ იქცა.
ღონისძიების ფარგლებში „საქართველოს კარიტასის“ პავილიონი საქართველოში ევროკავშირის ელჩმაც მოინახულა.
ორგანიზაციის საქმიანობა, რომელიც თანადგომის, თანასწორობისა და ადამიანზე ზრუნვის პრინციპებს ეფუძნება, აქტიურად ვითარდება დონორი ორგანიზაციების, Renovabis-ისა და KZE-ის მხარდაჭერით.
