მოკლე დახასიათება: შეხვედრების ცენტრი „ჰარმონია“ მჭიდრო კავშირშია საქართველოს კარიტასის სამედიცინო და ახალგაზრულ პროექტებთან. ცენტრის სტუმრებისთვის ხელმისაწვდომია პირველადი ჯანდაცვის და რეაბილიტაციის ცენტრის სერვისები. „ჰარმონიის“ სტუმრებს ერთმანეთთან და ახალგაზრდული ცენტრის ბავშვებთან ურთიერთობის შესაძლებლობა ეძლევათ. ცენტრში მათი სტუმრობის წყალობით ამ ადამიანებმა აღიდგინეს საკუთარი ღირსების გრძნობა და საჭიროების შეგრძნება. ისინი გრძნობენ, რომ სხვებს სჭირდებიან. ერთი და იმავე თაობის ადამიანებს შეუძლიათ გაუგონ და გვერდში ამოუდგნენ ერთმანეთს, და აღარ იგრძნონ თავი გარიყულად. ცენტრის ბენეფიციარებისთვის ხელმისაწვდომია მასმედიის სხვადასხვა საშუალებები, მათთვის ხდება ექსკურსიების ორგანიზება საქართველოს ისტორიულ ადგილებში, თეატრებში, კინოში, მუზეუმებში, გამოფენებზე. აგრეთვე ტარდება კონსულტაციები ექიმებთან და იურისტებთან, ექთნის მიერ რეგულარულად ტარდება ფიზიკური, ისევე როგორც გონებრივი და მხედველობითი ვარჯიშები.

მიზანი: სამიზნე ჯგუფის რეინტეგრაცია; უფროსი თაობის გამოცდილებისა და ჩვევების გამოყენება, ფსიქოლოგიური მხარდაჭერა.

სამიზნე ჯგუფი: მარტოხელა, ასაკოვანი ადამიანები, რომლებიც მოკლებულნი არიან სხვებთან ურთიერთობას. ყოველდღიურად ცენტრს სტუმრობს 40–მდე ადამიანი.

 Nana Natsvlishvili- Day Care Centre Harmony Project Manager-001 ნანა ნაცვლიშვილი
პროექტის კოორდინატორი

თორნიკე ერისთავის ქ. 2 (გლდანი-ნაძალადევი)

0192, თბილისი, საქართველო

ტელ.: +(995 32) 2451986

ფაქსი: +(995 32) 2343892

მობ: +(995 599) 568176

ელ-ფოსტა: harmony-caritas@mail.ru