დღის ცენტრი და ხელოვნების თერაპიის სტუდია ქ. თბილისში

მთავარი მიზანი: ბავშვების, სიღარიბის ზღვარს მიღმა მყოფი ოჯახებიდან, ფსიქო-სოციალური რეაბილიტაცია და მათი საზოგადოებაში ინტეგრაცია.

დღის ცენტრში და ხელოვნების თერაპიის სტუდიაში, ყოველწლიურად 6-18 წლამდე ასაკის, 160 ბავშვს საშუალება აქვს გაატაროს თავისუფალი დრო დაცულ, მეგობრულ გარემოში და ჩართული იყვნენ საგანმანათლებლო, გასართობ აქტივობებში. ბავშვებთან მუშაობენ კვალიფიციური პედაგოგები და ფსიქოლოგები.

ცენტრში ბავშვები სამედიცინო და ფსიქოლოგიურ დახმარებას ღებულობენ.  ყველა ბავშვი სადილობს კარიტასის სასადილოში. განსაკუთრებული ყურადღება ეთმობა ბავშვების განათლებას: ისინი ღებულობენ პედაგოგების დახმარებას სასკოლო დავალებების მომზადებაში, დამატებით უტარდებათ ინგლისური ენის გაკვეთილები და ეუფლებიან კომპიუტერულ უნარ-ჩვევებს. ბავშვების ფსიქოლოგიური რეაბილიტაციის მიზნით, გამოიყენება ხელოვნების თერაპიის  მეთოდი კერამიკის, ტიხრული მინანქრის, ხატწერის, დეკორატიულ ხეზე კვეთის და ჭედურობის, თექის და ქსოვის სახელოსნოებში. აგრეთვე, ბავშვები ჩართულნი არიან ცეკვის, სიმღერის და თოჯინების თეატრის სახელოსნოებში, სადაც თვითონ ქმნიან თოჯინებს, ცეკვებსა და თეატრალურ ნომრებს. ისინი ასევე ეუფლებიან თმის ჭრის ხელობას. მიღებული უნარ-ჩვევები ბავშვებს მომავალში შეუძლიათ შემოსავლის წყაროდ გამოიყენონ. 16-18 წლამდე მოზარდები სწავლობენ სამსახურის მოძიებისათვის საჭირო უნარებს: რეზიუმეს მომზადებას, ინტერვიუზე თავის წარდგენას, ასევე ღებულობენ ინფორმაციას, თუ სად შეიძლება იყოს განთავსებული ინფორმაცია ვაკანტური ადგილების შესახებ.

პროექტის პარტნიორები: საქართველოს მთავრობა, კარიტას საფრანგეთი

პროექტის ადგილმდებარეობა: ერისთავის ქუჩა 2, 0192 თბილისი

პროექტის კოორდინატორი: ქ-ნ. თამარ ჩადუნელი

დღის ცენტრი სოფელ არალში 

მთავარი მიზანი: ადგილობრივი ბავშვებისთვის, სოციალურად დაუცველი ოჯახებიდან, საგანმანათლებლო და გასართობი სივრცის შექმნა.

ცენტრში, 90 ბავშვი ჩართულია საგანმანათლებლო აქტივობებში და ეუფლებიან ინგლისურ ენას, მათემატიკას, ხატვას, კომპიუტერზე მუშაობას. აგრეთვე სწავლობენ გობელენის და თექის ნაწარმის შექმნის ტექნოლოგიას. მათ ვინც აპირებს უმაღლეს სასწავლებელში სწავლის გაგრძელებას, პედაგოგები გამოცდებისათვის მომზადებაში ეხმარებიან.

ყოველწლიურად, კონცერტები და სხვადასხვა ღონისძიებები ტარდება საზაფხულო ბანაკებში და საშობაო არდადაგების პერიოდში.

პროექტის პარტნიორები: კარიტას ამბროზიანა, “ელემოსინერია აპოსტოლიკა”

პროექტის ადგილმდებარეობა: სოფელი არალი, სამცხე-ჯავახეთის რეგიონი (სამხრეთ-დასავლეთი საქართველო)

პროექტის კოორდინატორი: ქ-ნ. ქეთევან ობოლაშვილი

 

 დღის ცენტრი ქ. ვალეში  

მთავარი მიზანი:  მკვიდრი ბავშვების და ახალგაზრდების ცხოვრების ხარისხის გაუმჯობესება.

ბავშვების და ახალგზარდების ცენტრი, ქ. ვალეში 2017 წლის თებერვალში გაიხსნა.ამჟამად, ბავშვების და ახალგაზრდების ცენტრი ემსახურება, 6-დან 18 წლამდე ასაკის 110 ბავშვს, სოციალურად დაუცველი ოჯახებიდან

ცენტრში ბავშვები დახმარებას იღებენ სასკოლო საგნების მომზადებაში. აგრეთვე, ისინი შეისწავლიან მათემატიკას, კომპიუტერულ უნარ-ჩვევებს, მუსიკას, რუსულს, ქართულს და ინგლისურ ენებს. აბიტურიენტები მოემზადებიან ერთიანი ეროვნული გამოცდებისთვის. გარდა ამისა, ბავშვებს შესაძლებლობა აქვთ, მონაწილეობა მიიღონ სპორტულ აქტივობებში, ექსკურსიებსა და ლაშქრობებში.

პროექტის პარტნიორები: კარიტას ამბროზიანა; საჯარო სკოლა და ადგილობრივი ადმინისტრაცია

პროექტის ადგილმდებარეობა: ქ.ვალე, სამცხე-ჯავახეთის რეგიონი,(სამხრეთ-დასავლეთი საქართველო)

პროექტის კოორდინატორი: ბ-ნ. შოთა გიკოშვილი

 

კოორდინატორი

   

დავით ყარყარაშვილი

ხელოვნების თერაპიის სტუდიის კოორდინატორი

თ. ერისთავის ქ. №2; გლდანი/ნაძალადევის რ/ნი
0192  ქ. თბილისი
მობ:  (+995) 599 15 83 22
ელ. ფოსტა:david.karkarashvili@caritas.ge

 tamar chaduneli-001  

თამარ ჩადუნელი

ქ. თბილისში, დღის ცენტრის კოორდინატორი

მისამართი: ერისთავის ქ. 2, გლდანი-ნაძალადევის რაიონი

0192 თბილისი, საქართველო

ტელ: (+995) 595 00 18 50

ელ-ფოსტა: tamar.chaduneli@carits.ge

  შოთა გიქოშვილი

ქ. ვალეში, დღის ცენტრის კოორდინატორი

ტელ: (+995) 557 20 08 09

ელ-ფოსტა: shota.gikoshvili@caritas.ge